Да дня нараджэння Рыгора Барадуліна, народнага паэта Беларусі, 24 лютага ў Гародні і Віцебску адбудуцца Спеўныя Сходы!
«Барадулінскі Спеўны сход» – добрая магчымасць пазнаёміцца з песнямі, якія з дзяцінства Рыгору Барадуліну спявала яго маці, якія праз усё жыццё пранёс народны паэт.
Спеўныя сходы будуюцца па прынцыпу: спачатку музычны госць выконвае песні, а пасля ўдзельнікі пад кіраўніцтвам вядоўцы спяваюць разам ды атрымоўваць асалоду!
Барадулінскі Спеўны сход у Віцебску
Спецыяльныя госці: Harmonic Style Project – драйвовы фолк-калектыў, які надае музычнай спадчыне Беларусі новае гучанне!
24 лютага а 18:00
Вядоўца: Марыя Булатоўская
г. Віцебск, вул.Пушкіна, 8
(Беларускі тэатр «Лялька»)
Уваход вольны!
Барадулінскі Спеўны сход у Гродна
Спецыяльны госць: Алесь Камоцкі – беларускі паэт, вядомы бард, у рэпертуар якога ўваходзяць песні на словы Рыгора Барадуліна
Вядоўца: Андрэй Нортан
г. Гродна, вул.Кірава, 3
(“Цэнтр гарадскога жыцця” uCentry)
Уваход вольны!
Спяваем “Песні матчыны з Вушаччыны” ў дзень народзінаў Рыгора Барадуліна – ўшануем памяць вялікага паэта Беларусі!
«Спеўны сход» – гэта сустрэчы, дзе людзі збіраюцца разам, каб спяваць беларускія песні розных часоў. Сяржук Доўгушаў – стваральнік і кіраўнік праекта. За гэты час распрацавана вялікая колькасць тэматычных сходаў. Ініцыятыва «Спеўны сход» ужо 4 гады яднае сотні людзей, якія маюць цікавасць да беларускай музычнай культуры.
Дадатковую інфармацыю шукайце на сайце spevy.by
Паводле арганізатараў
