Змяненне клімату ўплывае на разнастайнасць птушак у Беларусі: усё больш відаў застаюцца зімаваць, папуляцыі з часам павялічваюцца і становяцца звычайнымі, заявіў кіраўнік грамадскай арганізацыі «Ахова птушак Бацькаўшчыны» Аляксандр Вінчэўскі, піша smartpress.by.
«Напрыклад, крыжанка. Цяпер у Беларусі зімуюць некалькі дзясяткаў тысяч крэк. А першыя крыжанкі нашымі арнітолагамі на зімоўцы былі заўважаны ў 50-х гг. 20 стагоддзя», — пацвердзіў Вінчэўскі.
Таксама ён сказаў, што на сітуацыю ўплывае колькасць цёплай вады, якая скідаецца ў ачышчальныя збудаванні, а таксама колькасць корму.
«З апошніх — у Мінску заўважана свіязь. Некалькі гадоў зімаваў самец свіязі. Таксама заўважаны гусі белалобыя. Гэта значыць, з часам папуляцыя зімуючых качак розных відаў можа яшчэ вырасці», — распавёў кіраўнік АПБ.
Акрамя таго, у Беларусі на зімоўку застаюцца вераб’іныя насякомаедныя птушкі: чорнагалоўка, белая пліска, чарнушка, заранка, дразды.
smartpress.by, пераклад «Новы Час»
