Моладзевы конкурс сцэнарыяў кароткіх відэаролікаў «Парві ланцуг карупцыі» стартаваў 23 лістапада 2015 года ў Беларусі. Цяпер кожны жадаючы можа паспрабаваць сваі сілы ў барацьбе з карупцыяй на лакальным узроўне пры дапамозе творчых сродкаў.
Конкурс прысвечаны да Міжнароднага дня барацьбы з карупцыяй. Яго арганізатарамі выступаюць Праграма развіцця ААН і Ўпраўленне ААН па наркотыках і злачыннасці. Партнёрамі конкурсу з’яўляюцца: платформа для рэалізацыі сацыяльна значных праектаў Talaka.by і кампанія відэавытворчасці «ЮніверсФільм».
Да ўдзелу запрашаюцца маладыя творчыя беларусы ва ўзросце да 35 гадоў, якія гараць жаданнем мяняць свет вакол сябе да лепшага. Асабліва вітаецца ўдзел у конкурсе жанчын.
Каб прыняць удзел у конкурсе, трэба:
- Прапанаваць сваю гіпотэзу аб прычынах лакальнай карупцыі (ва ўніверсітэце, у паліклініцы і г. д.);
- Прапанаваць творчую ідэю па пераадоленню прычыны карупцыі, аформленую ў сцэнар для сацыяльнага роліка (працягласцю ад 30 сек. да 3 хвілін);
- Дадаць сваю ідэю, пазначыўшы яе меткай «антикоррупция», у Інкубатар ідэй на платформе Talaka.by: (гіпотэзу аб прычынах карупцыі размясціць у полі апісання праблемы, а рашэнне, у фармаце сцэнара, у полі апісання ідэі).
Усе размешчаныя ідэі ўдзельнічаюць у народным галасаванні, якое працягнецца да 6 снежня 2015 года. 10 лепшых сцэнарыяў, якія набралі найбольшую колькасць адзнак «Гэта важна», трапяць у фінал конкурсу. Далей кампетэнтнае журы абярэ аднаго пераможцу. Яго імя будзе абвешчана на цырымоніі ўзнагароджання, якая пройдзе ў Міжнародны дзень барацьбы з карупцыяй 9 снежня 2015 года.
Пераможца будзе запрошаны да ўдзелу ў здымках роліка па яго сцэнары, а таксама атрымае грашовы прыз у памеры пяці мільёнаў беларускіх рублёў.
Азнаёміцца з падрабязнымі правіламі можна на старонцы конкурсу.
Міжнародны дзень барацьбы з карупцыяй адзначаецца штогод 9 снежня, пачынаючы з 2004 года. Ён быў абвешчаны на Генэральнай Асамблеі ААН 21 лістапада 2003 года, у дзень, калі ў Мексіцы была адкрыта для падпісання Канвенцыя ААН супраць карупцыі. Мэта гэтага дня – паглыбіць разуменне праблемы карупцыі і ролі Канвенцыі ў папярэджанні карупцыі і барацьбе з ёй.
