Першай онлайн-сустрэчай стане 3-і занятак курса «Уводзіны ў біблію».

Ці супярэчыць Святое Пісанне сучаснай навуцы? Што ў Бібліі з’ўляецца прадметам веры, а што — сведчаннем эпохі, адлюстраваннем культурнай парадыгмы? Дзе праходзіць мяжа паміж боскім і чалавечым у біблійных тэкстах? Чым святая кніга хрысціян можа ўзбагаціць няверуючых? На гэтыя і іншыя пытанні даведаюццва адказы наведнікі курсаў.

Біблія з’яўляецца святой кнігай для хрысціян розных канфесій — праваслаўных, каталікоў, пратэстантаў. Гэта таксама важны помнік культуры, у якім адлюстраваны гістарычны кантэкст, навуковыя погляды эпохі, у якую пісаліся асобныя кнігі, адукацыя, характар і тэмперамент аўтараў. Пра ўсё гэта трэба ведаць, каб правільна разумець Біблію.

Падчас гэтага курсу гаворка будзе ісці пра структуру Бібліі, літаратурныя стылі і жанры ў ёй, прынцыпы тлумачэння біблейскіх тэкстаў.

Слухачы знойдуць адказ на пытанні, ці дайшла да нас гэтая кніга без скажэнняў, ці цягам стагоддзяў у яе ўносіліся змены.

Сустрэчы праходзяць у анлайн-фармаце.

Калі?

15 лютага а 18 гадзіне — «Як да нас дайшоў тэкст Бібліі»

22 лютага а 18 гадзіне — «Як зразумець Біблію»

Далучыцца можна па спасылцы.

Курс правядзе Андрэй Крот — святар Беларускай Грэка-Каталіцкай Царквы, настаяцель парафіі Маці Божае Фацімскай у Гродне, гісторык і багаслоў. Аўтар і вядучы перадачы «Хрысціянства і беларуская літаратура» Ватыканскага радыё, выкладчык Тэалагічнага каледжа імя св. Казіміра ў Гродне.