Суд Цэнтральнага раёна Менска арыштаваў выкладчыцу журфака БДУ Ксенію Мартуль на 15 дзён паводле артыкула аб распаўсюдзе экстрэмісцкіх матэрыялаў (частка 2 артыкула 19.11 КаАП), паведаміў яе муж Алег.
14 снежня невядомыя ўзламалі тэлеграм-канал Gender_gap, які вялі Мартуль і былая загадчыца кафедры тэхналогій камунікацыі журфака БДУ Ірына Сідорская. На аватарцы тэлеграм-канала невядомыя ўсталявалі дзяржаўны герб і сцяг. Усе запісы канала выдаленыя.
Пазней у телеграм-канале ГУБАЗ з'явілася відэа з Мартуль. У ім выкладчыца казала, што затрыманая за перасылкі з экстрэмісцкіх тэлеграм-каналаў у асабістай перапісцы.
