У 2022 годзе «Суседзі» вяртаюцца — гэта будзе юбілейнае, дзясятае, мерапрыемства, каторае пройдзе на Аўгустоўскім канале 22 — 24 ліпеня, піша S13.

Веламарафон «Суседзі» вяртаецца на Аўгустоўскі канал пад Гродна ў новым фармаце. Апошні павінен быў прайсці летам 2020 года, аднак з-за эпідэміялагічнай сітуацыі мерапрыемства адмянілі. Разглядаліся варыянты пераносу марафону на больш позні тэрмін, напрыклад, восень, аднак, па розных прычынах, у тым ліку і пагодных, ад такой магчымасці адмовіліся.

Да веласіпедных спаборніцтваў дадаюцца яшчэ і бегавыя. Базавы лагер будзе дзейнічаць на тэрыторыі шлюза «Дамброўка» з 22 па 24 ліпеня.

У фармат спаборніцтваў уваходзяць: Велазаезды для дарослых і дзяцей, забегі, камандныя спаборніцтвы.

Прыняць удзел у спаборніцтвах можа любы жадаючы. Пол, узрост і спартыўны стаж значэння не маюць. Да ўдзелу таксама запрашаюцца каманды.

Веламарафон «Суседзі» стаў значнай падзеяй у велажыцці не толькі Гродзенскай вобласці, але і краіны. Старты на Аўгустоўскім канале збіралі каля 800 удзельнікаў з Беларусі, Польшчы, Расіі, Літвы, а таксама прадстаўнікоў далёкага замежжа, напрыклад, Германіі, Нідэрландаў, ЗША і нават Аўстраліі.

Рэгістрацыя па спасылцы на сайце.