Кніга шведскага пісьменніка Свэна Нурдквіста «Пэтсан і Фіндус святкуюць Каляды», пераствораная па-беларуску Надзеяй Кандрусевіч і выдадзеная ў серыі «Каляровы ровар» Бібліятэкі СБП, цяпер даступная для дзетак і іх бацькоў у розных беларускіх гарадах: Берасці, Віцебску, Гродне, Лідзе, Маладзечне, Наваполацку, Пінску.
Кнігі Свэна Нурдквіста ўжо сталі класікай шведскай літаратуры, а яго незвычайныя ілюстрацыі, адначасова насычаныя колерам і дэталямі, прывабліваюць і дзетак і дарослых.
Гутарку з перакладчыцай Надзеяй Кандрусевіч можна прачытаць тут.
Нядаўна прэзентацыя гісторыі пра Пэтсана і Фіндуса з вялікім поспехам адбылася ў Мінску. Казачныя героі загаварылі галасамі акцёраў Ганны Хітрык і Паўла Харланчука. Маленькія гледачы і іх бацькі з задавальненнем узялі ўдзел у віктарыне і конкурсах, прысвечаных прыгодам Пэтсана і Фіндуса, атрымаўшы прызы ад кампаніі “Будзьма беларусамі!” і галоўнае — святочны калядны настрой.
Кнігу «Пэтсан і Фіндус святкуюць Каляды» можна набыць:
У Берасці: кнігарня “Іскра”, вул. Пушкінская, 4; у Віцебску: кнігарня “Светач”, вул. Кірава, 10; у Гародні: кнігарня “Праметэй”, вул. Савецкая, 10 і “Бэбі Бук”, ГД “Нёман”, 2 пав., вул. Савецкая, 18; у Лідзе: “Кніжны свет”, пр. Перамогі, 33; у Маладзечне: кнігарня “Спадчына”, вул. Прытыцкага, 7; у Наваполацку: Дом кнігі, вул. Маладзёжная, 145; у Пінску: “Полымя”, вул. Леніна, 4а.
У Мінску кнігу па-ранейшаму можана набыць у кнігарнях:
Акадэмкніга” (пр-т Незалежнасці, 72), кнігарня “логвінаЎ” (пр-т Незалежнасці, 37А), “Кнігарня пісьменніка” (вул. Казлова, 2), “Веды” (вул. К. Маркса, 36), “Светач” (пр-т Пераможцаў, 11), “Цэнтральны кніжны” (пр-т Незалежнасці, 19), “Кнігі & кніжачкі” (пр-т Незалежнасці, 14), Кніжная выстава-кірмаш “Мир книг” (вул. Янкі Купалы, 27).
А таксама ў інтэрнэт-крамах knihi.by і imbryk.by.
