Пакупнікоў цікавілі гандлёвыя рады, што размясціліся па Камуністычнай. Не сказаць, што яны былі значна багацейшымі за звычайны рынак, аднак пакупнікоў прывабілі трактары з дрывамі і машыны са збожжам. Мяшок пшаніцы з ААТ “Туркова” можна было набыць за 82 тысячы рублёў, а 40 кг насеннага ячменю з ААТ “Пад’ельцы” — за 100 чысяч. Спачатку нібы попыту і не было, пакупнікі казалі, што ранавата насеннем займацца, аднак транспарт з гаспадарак потым хутка пусцеў.Не памылюся, калі скажу, што асноўная ўвага пакупнікоў, ды і гледачоў, скіроўвалася да гандлёвых аб’ектаў спажывецкага таварыства, мясакам
біната, хлебазавода на плошчы ля РДК. Тут не толькі папаўнялі прадуктовыя запасы, але і ласаваліся гарачымі блінамі з розным начыннем, шашлыком, пончыкамі, іншай смакатой, ўдзельнічалі ў бяспройгрышнай латарэі.
Мноствам забаў змаглі скарыстацца дзеці. Іх запрашалі горкі, аўтамашынкі, цір. І ўсё гэта пад “масленічную” праграму ўдзельнікаў мастацкай самадзейнасці раённага Дома культуры, рэжысёрам якой выступіў Аляксей Гайдзель. Дарэчы, сам ён выконваў ролю Ямелі, а пасля песняў, сцэнак і танцаў даў гучную каманду спаліць пудзіла Зімы. Сапраўды, настаў час Вясны.
Заключным акордам свята стаў чарговы этап раённага агляду мастацкай самадзейнасці.
