Усяго ў Літве зараз, паводле дадзеных МУС, жыве каля 50 тысяч беларусаў.
Фота: "Новы Час"
Літоўская тэлерадыёкампанія LRT паведамляе пра выбар выпускнікоў з розных дыяспар што да выпускнога іспыту на роднай мове, які праходзіў 22 чэрвеня.
Сёлета 752 выпускнікі выбралі польскую мову на экзамене па роднай мове (у 2022-м — 751), рускую — 408 школьнікаў (летась – 340).
Іспыт па беларускай мове абралі пяць беларусаў. Летась такіх не было ўвогуле.
Іспыт па роднай мове складаецца з заданняў на разуменне і фармаванне тэксту, а таксама напісання эсэ аб'ёмам 250–400 слоў. Замест эсэ можна выбраць пераказ тэксту на адну з трох вызначаных тэм. Іспыт па веданні роднай мовы доўжыцца чатыры гадзіны.
Усяго сёлета ў Літве здаюць іспыты 27,5 тысячы навучэнцаў агульнаадукацыйных школ і прафесійна-тэхнічных вучылішчаў.
