Шаноўныя сябры і партнёры кампаніі “Будзьма беларусамі!”, чытачы і аўтары сайта, ініцыятары і ўдзельнікі праектаў! Віншуем з нашым супольным святам: 1 кастрычніка кампанія адзначае сёмы дзень народзінаў!
Сем гадоў мы разам паляпшаем супольнае жыццё: адкрываем таямніцы беларускай гісторыі, вандруем па Беларусі ў афлайне і анлайне, узнагароджваем найлепшых беларускіх рэкламістаў, рэалізуем важныя для кожнага з нас праекты ў гарадах і мястэчках па ўсёй Беларусі, знаходзячы ўсё новых паплечнікаў, чытаем новыя кнігі і сустракаемся з іх аўтарамі, натхняемся музыкамі і мастакамі!
Разам мы ствараем сучаснае беларускае асяроддзе, у якім хочам жыць камфортна і годна, абапіраючыся на нашу вялікую гістарычную спадчыну і мову.
Віншуем усіх! Без вас, сябры, без вашай падтрымкі, крэатыўных ідэй і талентаў, у нас не атрымалася б зрабіць так шмат!
Дзякуй вам!
Будзьма і надалей разам!
Будзьма беларусамі!
Каманда ГКК “Будзьма беларусамі!”
