Удзельнікі гурта «Puaro» распавялі, чаму праект, які задумваўся як рускамоўны, звярнууўся ў сваёй творчасці да беларускай мовы, і падзяліліся ўласным топам улюбёных беларускіх песень.
Фота з асабістага архіву гурта
«Мы мінскі дуэт "Puaro" выконваем музыку ў жанрах Neo-Soul, Contemporary R’n’B, Indie-Surf Rock, заснаваныя ў 2019 годзе, натхнёныя соўлам, джазам і блюзам 70-80-х гадоў у спалучэнні з сучаснай электроннай музыкай. Першапачаткова праект задумваўся як рускамоўны, калі б не адно але...
З лютага па травень 2020-га ўдзельнічалі у конкурсе маладых выканаўцаў "Заспявай-7″ (вельмі хацелі паспрабаваць напісаць нешта сапраўды роднае). І так пашчасціла, што мы атрымалі у ім перамогу, — распавядаюць сваю гісторыю музыкі. — Менавіта гэта нас натхніла і працягвае натхняць да гэтага часу пісаць музыку на роднай мове. Ужо на нашым рахунку ёсць 2 песні і як мінімум яшчэ 3 рэлізы чакае сёлета».
Фота з асабістага архіву гурта
Топ-5 трэкаў беларускіх выканаўцаў ад гурта «Puaro»
1. Ночи — «Любоў»
Вельмі пяшчотная песня і прабірае да мурашак. Пра стан, які не магчыма растлумачыць — каханне. Гэта вельмі светлае і моцнае пачуццё, якое дапамагае і заўсёды дапамагала спраўляцца з праблемамі. Варта адзначыць, як тонка аўтар данесла да слухача думку, што ўсё не так адназначна, таму что «любоў — заўсёды боль»
2. Akute — «Бойфрэнды з таго свету»
На самой справе ўвесь альбом гурта — «Напалову тут» атрымаўся вартым увагі і нясе актуальную тэму ды адчуванні многіх людзей. Назва альбома вельмі правільна іх (гэтыя адчуванні) апісвае.
Гэтак жа вялікім адкрыццём для нас сталі спявачкі LEAR і Невіка. Добры прыклад як можна рабіць добрую сучасную беларускую музыку.
3. LEAR — «Ляцi»
Лёгкая песня, пра складаныя адносіны паміж хлопцам і дзяўчынай. Важна разумець, што часам самым складаным, але важным рашэннем бывае проста адпусціць мінулае.
4. VAL — «Калыханка з месячыкам»
Пяшчота і каханне матулі ў такім пранікнёным голасе, што не можа не чапляць і прымушаць распусціцца ў непазнавальным. Песня, з якой можна прывучаць дзяцей да роднай мовы яшчэ з маленства.
5. Союз — «Что делать»
Вельмі блізкія па духу і музыцы хлопцы. Сама песня добра адлюстроўвае меланхалічны настрой і пошукі патрэбнага выбару.
