LEAR (Валерыя Суравіцкая) — маладая беларуская спявачка, у якой нядаўна выйшаў дэбютны альбом «Зачапіцца», адмыслова для budzma.org падзялілася ўласным «топам» улюбёных беларускіх песень.
Фота: сац. сеткі LEAR
1. NIZKIZ — Цемра
Слухаецца з сумам ды лёгкай трывогай. Вельмі люблю гэты трэк, часам пасля яго мне становіцца лягчэй, нібы часткова адчуваю катарсіс.
2. PALINA — Пинки
Песня далікатная і сумная, але адначасова ёсць нейкая гуллівасць, якая чапляе.
3. NAVIBAND — Сквозняк
Бясконца цёплая і ўтульная песня, адчуваю сябе шчаслівай і натхнёнай, калі слухаю яе.
4. Грязь — Спі (Akute rmx)
Гэты трэк я ўпершыню пачула каля пяці год таму, радкі з яго даволі часта ўзгадваю. Трэк дужа дэпрэсіўны, паглыбляе ў думкі ды разважанні.
5. МАМА — Там лета
Вельмі прыемны трэк, які акунае ў пачуццё настальгіі.
Каб бліжэй пазнаёміцца з асобай і творчасцю LEAR, раім пачытаць свежае інтэрв’ю з ёй.
Чытайце яшчэ: «З кожным выступам я адчуваю сябе больш упэўнена і менш трывожна». Спявачка Lear распавяла пра творчасць і ментальнае здароўе