Трэці міжнародны фольк-фестываль “Свята Сонца” у 2018 годзе традыцыйна будзе прысвечаны святу “КУПАЛЛЕ”!

Фармат фестываля аб’яднаць некалькі разнастайных мерапрыемств у рамках агульнай канцэпцыі: FireShow-фестываль, Open-air канцерт на 2 сцэнічных пляцоўках, будуць працаваць ЭТНА пляцоўкі, рынак майстроў, інтэрактыўныя пляцоўкі, на працягу усяго фэста будут праходзіць абрадавыя і забаўляльныя блокі.

Максімум увагі, як і раней, будзе надавацца ўзнаўленню традыцый і абрадаў нацыянальнай беларускай культуры і свята Купалля ў прыватнасці. Аднак, на фестывале ў 2018 годзе, асаблівая ўвага будзе нададзена таксама і традыцыям, звязаным са святкаваннем дня летняга сонцастаяння і іншых народаў: Літвы, Фінляндыі, Вялікабрытаніі. Таксама, як і ў мінулым годзе, вялікая ўвага будзе нададзена аднаму з галоўных сімвалаў свята – АГНЮ.

Пасля заканчэння асноўнай праграмы ў 1.30 ночы –  фестываль перамесціцца на бераг ракі Пціч, дзе традыцыйна запылают самыя вялікія ў Беларусі Купальскія вогнішчы, плынь ракі панясе купальскія вянкі, зноў будзе гучаць старадаўняя музыка, а ўсе жадаючыя змогуць скокнуць праз ачышчальны купальскі агонь.

Асноўная ідэя, якая аб’ядноўвае ўсе фестывальныя блокі – старажытнае свята Купалле, прымеркавана да дня летняга сонцастаяння, калі дасягаюць найвышэйшага росквіту жывыя сілы зямлі. У абрадах гэтага свята цесна перапляліся старажытныя язычніцкія і больш познія хрысціянскія традыцыі.

Спіс асноўных мерапрыемств і пляцовак open-air фестываля «Свята Сонца 2018»

• ФЕСТЫВАЛЬ АГНЮ – адно з самых відовішчных мерапрыемстваў Купальскага фэста «Свята Сонца 2018». Пад час якога сваё майстэрства прадэманструюць больш за 20 каманд, якія выступаюць у жанры«вогненнаешоў».
• Канцэртная пляцоўка, OPEN AIR канцэрт. Выступленне каманд folk/folk-rock/pagan і сумежных напрамкаў.
• Горад майстроў – рамесныя майстэрні: кузні (майстар-класы, паходная кузня), ганчарная майстэрня, майстэрні музычных інструментаў, апрацоўка камня, зброевая майстэрня, саломапляценне, абрадавая лялька, ткацтва, гарбарная майстэрня, ювелірная, манетны двор і г. д. • Купальскі кірмаш: вырабы традыцыйных рамесных майстэрняў, кованые вырабы і сярэднявечныя ўпрыгажэнні, посуд і ганчарныя вырабы, вырабы з лёну, традыцыйная адзенне, сувеніры, рэквізіт для вогненнага шоў і г. д.
• Этна-пляцоўка: аднаўленне традыцыйных абрадаў святкавання Купалля, варожбы, пляценне і запуск вянкоў па вадзе, купальскія вогнішчы і г. д.
• Карчма: стравы традыцыйнай беларускай кухні, кулінарныя майстар-класы.
• Паласа перашкод у рамках купальскага квэста «Папараць Кветка».
• «Вясковая плошча» – выступы танцавальных і музычных калектываў, вулічных тэатраў, факіраў, пэрформансы на купальскую тэму, майстар-класы па традыцыйных танцах, і г. д.
• Інтэрактыўныя пляцоўкі – больш за 20 лакацый і атракцыёнаў: лучный і арбалетный цір, сярэднявечныя і народныя гульні, «гульні вікінгаў», шатландская пляцоўка «гульні горцаў», дзіцячая пляцоўка, пляцоўка «Героі: Батлгеймінг», настольныя гульні, скаладром, «archery battle», вяровачны гарадок і іншыя.
• Для ўдзельнікаў «Фестывалю агню» пройдуць майстар-класы, навучальныя семінары.

Асноўны блок фестываля «Свята Сонца» – FireShow-фестываль

У рамках фестываля агню выступяць больш за 20 калектываў, якія працуюць у жанры «вогненнага шоў»!
У праграме:

• Шоу лепшых вогненных тэатраў
• Выступленне сольных артыстаў у жанры вогненнага і піратэхнічнага шоў
• Выступы каскадзёраў, акрабатаў і пластычных тэатраў
• Вогненныя і светлавыя эфекты, піратэхніка неонавае шоу

OPEN-AIR Канцэрт фестываля «СВЯТА СОНЦА»

Асноўныя ўдзельнікі канцэртнай праграмы ў 2018:

VOLSKI 
IRDORATH
PAWA
FRAM
ReL1kt
ТРОЛЛЬ ГНЁТ ЕЛЬ
ЯВАРЫНА
КАЦЯРЫНА ВАДАНОСАВА i Fantasy Orchestra

Намётавы летнік для гасцей фестываля

З 15 па 17 чэрвеня 2018 на тэрыторыі фестываля будзе дзейнічаць намётавы летнік для гасцей і ўдзельнікаў фестываля. Можна будзе размясціцца ў намётах арганізатараў ці ўсталяваць ўласны на тэрыторыі летнік.

Намётавы летнік будзе абсталяваны ўсім неабходным: біяпрыбіральні, вада, вываз смецця, пракат мангалаў, дроў і г. д. У непасрэднай блізкасці ад намётавага лагера будуць працаваць фудкорт. У 15 метрах ад намётавага летніка – паркоўка.

Дастаўка на фестываль

Для зручнасці гледачоў будуць арганізаваны дадатковыя аўтобусныя рэйсы па маршруце Мінск-Дудуткі-Мінск і бясплатны трансфер па маршруце Рудзенск-Дудуткі-Рудзенск.

Пасля заканчэння канцэртнай часткі адбудзецца факельнае шэсце на бераг р. Пціч, дзе будуць запалены купальскія вогнішчы.

За навінамі сачыце на афіцыйным сайце фестывалю і ў ВК.

Паводле прэс-рэлізу