23 чэрвеня, а 17-й гадзіне выставачны праект «Айвазоўскі і марыністы» зноў напоўніцца пластыкай, рухам і танцам ад тэатра танца «Альтана».
У гэты вечар вас чакаюць адразу тры інтэрпрэтацыі мастацкіх палотнаў.
Адкрые вечар пластычнае выступленне аб пошуку раўнавагі і супакаення ў карціне «Бура». Яго пакажуць салісты тэатра танца «Альтана» Серафіма і Юджын.
У 17.30 «Вусце Тэмзы». Чаканне сустрэчы або развітанне? Або супакой? Або трывога? Сваё ўражанне ад карціны перадасць Ганна Корзік – харэограф, мастацкі кіраўнік тэатра танца “Альтана”, архітэктар.
А 18-й гадзіне завершыць вечар “Ноч на востраве Родас” і інсталяцыя, якая выйшла за рамкі карціны. Гэта не рух чалавека, гэта рух і прыгажосць з’явы прыроды. «Калі на яе глядзіш – спачатку цёпла, а потым – холадна…» (наведвальнік музея). Яўгенія Нікалайчук – танцоўшчыца, перформер, мастак, архітэктар. Салістка тэатра танца «Альтана».
Пачатак у 17.00, уваход на мерапрыемства па білеце ў музей.
Паводле прэс-рэлізу