Традыцыя існуе ўжо трэці год, на пачатку снежня гродзенскія прадпрыемствы ствараюць свае ялінкі і выстаўляюць іх у гродзенскім парку імя Жылібера. Раней некаторыя ялінкі выклікалі неадназначную рэакцыю гродзенцаў і гасцей гораду, але ў гэтым годзе сітуацыя змянілася ў пазітыўны бок. Запрашаем на шпацыр сярод адмысловых ялінак у цэнтры Гродна.

Гэтым разам больш за 50 гарадскіх прадпрыемстаў прадставілі свае ялінкі.

Вечаровы Гродна адразу ажывіўся, вялікая колькасць людзей прыходзіла рабіць фота ялінак для сацсетак або «сэлфіцца» на памяць.

Адметнасць праекта ў тым, што сапраўдных ялінак тут няма, кожная інсталяцыя выкананая са штучных матэрыялаў і спрабуе адлюстроўваць сферу дзейнасці той ці іншай арганізацыі.

Прадукцыяй гродзенскага хлебазавода нават аздобілі інсталяцыю, хлеб сапраўды свежы, а каб яго не з’елі птушкі, ён у цэлафанавай абалонцы.

Плошча Леніна таксама ўпрыгожана інсталяцыямі, некаторыя з іх ужо вядомыя гродзенцам гадамі, іншыя — у навінку.

16 снежня па цэнтры Гродна пройдзе традыцыйнае шэсце галоўных навагодніх персанажаў, завершыцца яно павінна ў парку імя Жылібера, сярод святочных інсталяцый.

Алесь Масевіч, фота аўтара, budzma.org