15 верасня 2016 г. – у Дзень бібліятэк – у Нацыянальнай бібліятэцы Беларусі адбудзецца Круглы стол, прымеркаваны да 950-годдзя першай беларускай бібліятэкі – Бібліятэкі Полацкага Сафійскага сабора.
Кіраўнікі і прадстаўнікі Міністэрства культуры Рэспублікі Беларусь, Беларускай Праваслаўнай Царквы, работнікі бібліятэк і музеяў, кіраўніцтва і вядучыя спецыялісты ўстаноў навукі і адукацыі збяруцца, каб разам адзначыць 950-годдзе першай у Беларусі бібліятэкі і абмеркаваць пытанні захавання нацыянальнай кніжнай спадчыны.
З моманту свайго ўзнікнення Бібліятэка Полацкага Сафійскага сабора як цэнтр праваслаўя на беларускіх землях мела выключна багаты збор кніг і іграла значную ролю ў жыцці грамадства. У ХІІ стагоддзі папаўненню яе збораў садзейнічала сама Еўфрасіння Полацкая, уласнаручна перапісваючы святыя кнігі ў скрыпторыі сабора. Бібліятэка ўключала мноства відаў літаратурных помнікаў, такіх як літургічныя кнігі, філасофскія творы, біблейскія і новазапаветныя тэксты, а таксама гістарычныя працы і летапісы. На жаль, бібліятэка была страчана падчас Лівонскай вайны, а ў наш час існуе мноства здагадак пра лёс яе фонду. Кнігі з гэтай бібліятэкі – значная частка культурнай спадчыны Беларусі – апынуліся ў Польшчы, Расіі, Украіне, а таксама ў прыватных калекцыях.
Дзякуючы адкрытаму фармату мерапрыемствы, кожны зацікаўлены зможа ўзяць удзел у дыскусіі. Удзельнікі Круглага стала змогуць пазнаёміцца з выставай, прысвечанай Бібліятэцы Полацкага Сафійскага сабора і гісторыі бібліятэчнай справы Беларусі.
Вынікі працы круглага стала і прынятыя рашэнні будуць спрыяць далейшаму ўмацаванню супрацоўніцтва паміж ўстановамі культуры, адукацыі і навукі ў вырашэнні праблемы аднаўлення культурнай спадчыны Беларусі.
Тэлефон для даведак: (+375 29) 313 98 90
Е-mail: susha@nlb.by
