ULegend – гэта праект аўтарскіх гарадскіх экскурсіяў па Беларусі, Літве і Польшчы. На дадзены момант ён рэалізаваны ў выглядзе тэлеграм-бота, з дапамогай якога можна пападарожнічаць па Мінску і Вільні. Каманда праекта плануе зрабіць адмысловы мабільны дадатак ды пашырыць колькасць маршрутаў і гарадоў.
Макет мабільнага дадатка ULegend
«ULegend плануе вырасці да вялікага агрэгатара аўтарскіх беларускіх аўдыяэкскурсіяў і кўэстаў, які дазволіць беларусам паглыбляцца ў сваю гісторыю і культуру, незалежна ад ідэалагічных павеваў часу. А таксама спазнаваць культуры іншых краінаў», – кажуць аўтары праекта.
Каб падтрымаць ULegend можна стаць удзельнікам магістрату – суполкі ахвярадаўцаў, якія цягам пэўнага перыяду дамаўляюцца падтрымліваць праект беларускай справы вызначанай сумай грошай.