Круглыя сталы з удзелам прадстаўнікоў Міністэрства культуры, Таварыства аховы помнікаў і кампаніі «Будзьма беларусамі!» пройдуць па Беларусі 25 траўня.
Круглы стол пад назвай «Праблемы аховы гісторыка–культурнай спадчыны Рагачоўшчыны» распачнецца а 12-й гадзіне ў Рагачоўскім музеі народнай славы, які знаходзіцца па адрасе: вул. Леніна, 58.
Выступоўцы – старшыня Таварыства аховы помнікаў Антон Астаповіч, загадчык сектару па ахове гісторыка-культурнай спадчыны Міністэрства культуры Беларусі Наталля Хвір і каардынатар кампаніі «Будзьма беларусамі!» Ігар Лялькоў.
Удзельнікі – прадстаўнікі аддзела культуры Рагачоўскага райвыканкама, музейныя супрацоўнікі, прадстаўнікі грамадскасці.
А 17-й круглы стол на тэму «Праблемы захавання гісторыка-культурнай спадчыны Кіраўскага раёну» адбудзецца ў пасёлку Жылічы Кіраўскага раёну Магілёўскай вобласці.
Месца правядзення – Жыліцкі гістарычны комплекс-музей, які знаходзіцца па адрасе: вул. Міра, 5.
Уваход вольны. Запрашаем усіх ахвотных.
Круглыя сталы ладзяцца ў межах кампаніі «Будзьма беларусамі!».
