Лошыцкі парк — адно з самых папулярных месцаў адпачынку ў Мінску. Сюды таксама прызджаюць для фотасесій у пару, калі мясцовы фруктовы сад патанае ў квецені. Дарэчы, сад гэты быў закладзены амаль сто гадоў таму па ініцыятыве акадэміка Вавілава. Не менш папулярным месцам для фатаграфавання з’яўляецца сядзіба Прушынскіх, шматлікія альтанкі і мяжа-ланцужок з валуноў — падарункаў ледавіка, якой пазначаная тэрыторыя старажытных селішчаў.
У гэтай фотападборцы вы ўбачыце найбольш вядомыя цікавосткі парка, а таксама яго сталых жыхароў, у госці да якіх з першым цяплом пацягнуліся мінчукі. Бабёр у кадр не трапіў, але яго прысутнасць заўважная няўзброеным вокам.
Чытайце яшчэ: Пагоркамі, лагчынамі, курганамі: нетрывіяльная вандроўка па «няплоскім» Мінску
П.П., budzma.org
