На зімовых канікулах вучні старэйшых класаў пажадаі сустрэцца з паэтэсай Верай Буланда. І гэта сустрэча адбылася напярэдадні новага, 2014 года, 30 снежня, а 13.00 гадзіне. Вядома ж, перад новым годам размовы пра новыя планы, мары пачалася нязмушаная гаворка. І як без вершаў пра зіму:

Падае снег густым зарападам,

Натхняючы сэрца на новы парыў,

Сустрэчу з табой, каханне і радасць,

І новых пачуццяў святочны ўзрыў.

Падае снег, уздымаю далоні,

Каб зоркай у неба начное ўзляцець,

Ды ў прыцяжэнні зямным і ў палоне

Сэрца твайго ярчэй зіхацець.

Вершы інтымнай лірыкі змешчаны ў новым зборніку паэзіі Веры Буланда “Сараматніца”. Прагучалі зімовыя вершы іншых паэтаў, а таксама віншаванне з Новым годам і… пажаданні:

У новым годзе знікнуць скрусе

Для сваякоў і ўсіх сяброў.

За вас малюся, спадзяюся,

Каб кожны жыў быў і здароў!

Хай збудуцца жаданні, планы,

Расквеціцца ва ўсмешцы твар,

А гэты год доўгачаканы

Мы будзем піць, як той нектар.

Каб толькі мір, Пагода ў хаце,

І міма – злосныя вятры.

Дык з Новым годам, з новым шчасцем

Віншую вас, мае сябры!

Цягам сустрэчы ад кампаніі “Будзьма беларусамі!” вучні за актыўнасць і выразнае чытанне вершаў атрымлівалі падарункі: паштоўкі “Мы – адметныя”, торбачкі з выявамі цмокаў, дыскі з цікавосткамі, майкі.