Са спісу «экстрэмісцкіх матэрыялаў» упершыню выключылі адзін пункт. Гаворка ідзе пра зборнікі твораў Вінцэнта Дуніна-Марцінкевіча, выпушчаны ў 2007-2008 гадах, піша «Наша Ніва».
Паўгода на сайце Мінінфарма значылася, што двухтомнік Дуніна-Марцінкевіча — гэта «экстрэмісцкія матэрыялы» ў адпаведнасці з рашэннем Жыткавіцкага суда ад 8 лістапада 2023 года. Цяпер рашэнне адменена пастановай прэзідыума абласнога суда.
Гаворка ішла пра два тамы, выпушчаныя дзяржвыдавецтвам «Мастацкая літаратура» ў 2007 і 2008 гадах:
— Збор твораў. У 2 т. Т. 1. Драматычныя творы, вершаваныя аповесці і апавяданні / Вінцэнт Дунін-Марцінкевіч; уклад. з тэкст. падрыхт., прадм., перакл. і камент. Я.Янушкевiча. — Мiнск: Маст. лiт., 2007. — 494 с.: [16] л. іл. (абгрунтаванне — «у выданні выяўленая падобная прадмова Язэпа Янушкевіча»);
— Збор твораў. У 2 т. Т. 2. Вершаваныя аповесцi i апавяданнi, вершы, публiцыстыка, лiсты i пасланнi, пераклады, Dubia / Вiнцэнт Дунiн-Марцiнкевiч; уклад. з тэкст. падрыхт., пер/ Я.Янушкевiча. — Мiнск: Маст. лiт., 2008. — 598 с.: [16] л. iл. (праз тое, што ў выданні «выяўленыя падобныя тэксты твораў «Плывуць вятры» і «Гутарка старога дзеда», якія прыпісваюцца В. Дуніну-Марцінкевічу і ўключаныя ў заключную частку пад назвай «Dubia»»).
Чытайце яшчэ: Забараніць, скасаваць, сьцерці, выкрасьліць! Лявон Вольскі пра беларускі экстрэмізм
