Малюнкі для гэтай выставы былі намаляваны дзецьмі ва ўзросце ад пяці да чатырнаццаці гадоў, якія сутыкнуліся з вайной ва Украіне ці былі вымушаны разам з бацькамі пакінуць Беларусь з-за палітычнага праследавання. Для гэтых дзяцей вайна стане іх самымі раннімі ўспамінамі і назаўсёды зменіць ці ўжо змяніла хаду іх жыцця.
Арганізатарамі віртуальнай выставы «WAR ILLUSTRATORS» выступілі «Беларускі Жаночы Фонд» і «Fundacja ŻYVI».
«Дзяцінства скрадзена. Замест таго, каб цешыцца цёплымі веснавымі днямі з сябрамі, катацца на роварах і каруселях у парках, дзеці хаваюцца ў бомбасховішчах. Яны затыкаюць вушы ад гукаў паветранай трывогі і артылерыйнай зброі, глядзяць у заплаканыя твары сваіх мам і чакаюць у невыносных чэргах на мяжы.
Гэты праект, створаны ў супрацоўніцтве паміж Беларускім жаночым фондам і фондам ŻYVI, накіраваны на асвятленне досведу дзяцей у вайне ва Украіне.
Мы спадзяемся, што дзякуючы гэтай выставе дзіцячыя малюнкі пральюць новае святло на вайну, якая няўхільна становіцца эмацыйна дыстанцыянаванай. У той час, калі ўвага свету засяроджана на махінацыях палітыкаў, статыстыцы і смерці, самыя маленькія з нас былі забыты.
Малюнкі для гэтай выставы былі намаляваны дзецьмі ва ўзросце ад пяці да чатырнаццаці гадоў у Фондзе ŻYVI, у той час, калі іх мамы атрымлівалі неабходную першую гуманітарную дапамогу.
На выставе таксама прадстаўлены малюнкі дзяцей з Беларусі, якія ўжо перажылі вымушанае перасяленне і знайшлі новы дом ва Украіне, і зноў вымушаны бегчы, але на гэты раз ад вайны.
У тым узросце, калі дзеці малююць казачных персанажаў, жывёл, кветкі і сваіх шчаслівых бацькоў, дзеці вайны малююць свае разбураныя дамы і бомбы. Для многіх з нас штодзённы досвед вайны неймаверны. Для гэтых дзяцей вайна стане іх самымі раннімі ўспамінамі і зменіць хаду іх жыцця. На большай частцы малюнкаў сведкаў вайны намаляваны сэрцы.
Негледзячы на жахлівыя сцэны вайны і перанесены досвед, дзеці нясуць нам святло і любоў у сваіх сэрцах і ў сваіх малюнках.
Дарослыя нясуць адказнасць за тое, чым жывуць гэтыя дзеці, і самы мінімум адказнасці — гэта прызнанне. Дзеці не належаць ні да адной нацыі. Гэта будучыня, якую трэба берагчы», — пішуць арганізатары выставы.
Паглядзець віртуальную выставу можна тут.
