Сямейную аптэчку лекары раяць укамплектаваць сродкамі, якія могуць дапамагчы ў хатнім лячэнні каронавіруснай інфекцыі, піша «МедикФорум».
Лічыцца, што заражэнне Амікронам выклікае інфекцыю ў адносна мяккай форме з «прастуднымі» сімптомамі, такімі як кашаль, ліхаманка, насмарк, пяршэнне ў горле. Таксама магчымыя галаўныя болі і болі ў целе, страта апетыту, млоснасць, дыярэя. Зніжэнне вастрыні хваробы прывяло да таго, што большасць выпадкаў Амікрон-інфекцыі зараз паспяхова падлягаюць хатняй тэрапіі — яны патрабуюць сімптаматычнага лячэння.
Каб змагацца з умеранымі сімптомамі і палепшыць сваё самаадчуванне, у аптэчцы дома трэба мець некаторыя атрыбуты і сродкі. Якія менавіта, распавялі лекары з Інстытута Роберта Коха (Германія).
Клінічны тэрмометр.
Гарачкапаніжальны прэпарат (напрыклад, парацэтамол).
Абязбольваючыя прэпараты (напрыклад, ібупрафен).
Назальный спрэй (пераважна фізіялагічны раствор).
Сродак ад кашлю.
Гарбата або лядзяшы з шалфею: дапамагаюць пры болі ў горле і кашлі.
Дастатковую колькасць насовак.
Як дапамагчы сабе пры заражэнні Амікронам?
Адпачынак. Медыкі раяць хворым адпачываць і не ператамляць свой арганізм, адмовіцца на час ад спорту.
Лячэнне сімптомаў. Ібупрафен дапамагае пры галаўных болях і болях у целе. Пры насмарку лепш за ўсё выкарыстоўваць назальный спрэй з натуральным солевым растворам. Паласканне горла растворам шалфея або салявым растворам дапамагае пры болі ў горле.
Сачыць за тэмпературай. Невялікае павышэнне тэмпературы да 39 градусаў зніжаць не трэба — такі жар дапамагае арганізму змагацца з хваробатворнымі мікраарганізмамі, якія гінуць у асяроддзі вышэй за 37 градусаў.
Тэмпература больш за 39 градусаў гаворыць аб ліхаманцы. Пры такіх паказчыках можна выкарыстоўваць парацэтамол, халодныя кампрэсы.
Калі тэмпература цела паднімаецца вышэй за 40 градусаў па Цэльсіі ці ліхаманка трымаецца даўжэй двух-трох дзён, трэба абавязкова звярнуцца да лекараў.
Піць ваду. Лекары рэкамендуюць: на кожны градус тэмпературы вышэй за 37 арганізму штодня патрабуецца ад паловы да аднаго літра вадкасці, пераважна чыстай вады.
Вітаміны і мінералы. У перыяд хваробы важна добра харчавацца: арганізм павінен быць забяспечаны неабходнымі яму вітамінамі і мінераламі. Тым, хто пакутуе стратай апетыту і не можа нармальна есці, будуць небескарысныя прэпараты з вітамінам С і цынкам.
Калі неабходны лекар
Пры пагаршэнні сімптомаў лячэнне Амікрон-інфекцыі дома працягвацца не павінна — у гэтым выпадку трэба абавязкова звярнуцца да лекара.
Што значыць пагаршэнне сімптомаў.
Узнікаюць праблемы з дыханнем, моцная дыхавіца.
Адчуваецца галавакружэнне.
Скура набывае сіняе адценне.
Budzma.org нагадвае пра правілы рэспіраторнага этыкету ў грамадскіх месцах, а таксама аб неабходнасці выкцынацыі.
medikforum.ru
