Інтэрнэт, 30 лістапада 2018 года. У Мінску пачаў працаваць сэрвіс Яндекс.Район. З яго дапамогай можна мець зносіны з суседзямі: абмяркоўваць раённыя навіны, публікаваць аб’явы і распавядаць адзін аднаму пра цікавыя месцы.

Яндекс.Район дапаможа даведацца, што адбываецца непадалёк, і абмеркаваць надзённае – сярод іншага новы плот у скверы альбо гіганцкі лядзяш над пад’ездам. Акрамя таго, сэрвіс падыдзе для тых, каму патрэбна суседская парада. Напрыклад, тут можна высветліць, куды аддаць дзіця займацца фігурным катаннем, дзе непадалёк ёсць добры рынак ці калі адрамантуюць падземны пераход.

«Гарадское асяроддзе – гэта не толькі паркі, лавачкі і веладарожкі, але яшчэ і камунікацыі паміж людзьмі. Яндекс.Район прадаставіць мінчанам зручную пляцоўку, дзе суседзі змогуць перапісвацца адзін з адным, мясцовыя прадпрымальнікі – з кліентамі, а гарадскія актывісты – з аднадумцамі», – кажа Ягор Цыганок, рэгіянальны дырэктар Яндекса ў Беларусі.

«Яндекс.Район дапамагае гараджанам абмяркоўваць і знаходзіць вырашэнні самых розных праблем. Напрыклад, не так даўно ў Екацярынбургу знайшлі ўладальніка страчанага бенгальскага ката, а карыстальнікі з Краснадара сабралі дваровую каманду па баскетболе. Мы ўпэўненыя, што ў Мінску сэрвіс таксама чакае поспех», – адзначае Таццяна Гарэлік, кіраўнік сэрвісу Яндекс.Район.

Акрамя Мінска, Яндекс.Район працуе ў Ташкенце і трынаццаці гарадах Расіі. Штомесячная аўдыторыя сэрвісу перавышае чатыры мільёны карыстальнікаў.