Артыстку судзілі паводле арт. 342 КК за ўдзел у акцыях пратэсту ў 2020 годзе. Пра гэта паведамляюць праваабаронцы.
Аляксандру затрымалі 30 студзеня 2023 года і змясцілі ў СІЗА. Пад вартай спявачку ўтрымлівалі амаль чатыры месяцы.
27 красавіка ў судзе Кастрычніцага раёна Мінска разглядалі справу супраць яе. Аляксандры прызначылі пакаранне, не звязанае з пазбаўленнем волі і вызвалілі ў зале суда.
Аляксандра Захарык — джазавая спявачка, удзельніца шоу «Голас». Яна двойчы ўдзельнічала ў фінале нацыянальнага адбору на «Еўрабачанне». 34-гадовая артыстка выступала з гуртом Apple Tea і працавала над уласным праектам ZAKHARIK.
