Навуковы камітэт па літаратуры Польскай акадэміі навук паведаміў, што прыняў рэзалюцыю аб вылучэнні на Нобелеўскую прэмію па літаратуры ўкраінскага пісьменніка і ганаровага сябра Беларускага ПЭНа Сяргея Жадана.
«На нашу думку, Жадан — адзін з найвялікшых паэтаў Украіны і выдатны празаік, перакладаны і ўзнагароджаны ў свеце, — пісьменнік Нобелеўскай прэміі. Яго голас як паэта на працягу многіх гадоў мае асаблівае значэнне для ўкраінцаў,» — напісалі польскія навукоўцы ў адмысловай заяве.
«Свабодная Украіна шмат у чым гаворыць і думае словамі Жадана, уважліва іх слухае. Сёння паэт у сваім Харкаве. А ён змагаецца», — нагадалі ў камітэце.
Пакуль Украіна не мае лаўрэата Нобэлеўскай прэміі ў літаратуры.
Цяжка ацаніць, ці будзе рэзалюцыя Камітэту літаратурных навук Польскай акадэміі навук не толькі сімвалічным жэстам. Калі б Шведская акадэмія сёлета прыняла кандыдатуру Сяргея Жадана і ўзнагародзіла ўкраінскага пісьменніка, ёй давялося б парушыць правілы, бо заяўкі з усяго свету прымаюцца да 31 студзеня.
Тым не менш нельга цалкам выключаць, што не будуць зробленыя надзвычайныя крокі, каб узнагародзіць яго ці іншага пісьменніка з Украіны як мага хутчэй.
Паводле booklips.pl
