Калі вы неабыякава ставіцеся да руйнавання стэрэатыпаў і калі вам цікавыя новыя знаёмствы з людзьмі, якіх вы не сустрэнеце на вуліцы, далучайцеся да каманды Жывой Бібліятэкі!
Жывая Бібліятэка — гэта метад руйнавання стэрэатыпаў, дзе ў ролі Кніг выступаюць людзі, прадстаўнікі самых розных сацыяльных груп, у дачыненні да якіх у нашых грамадстве існуюць забабоны і стэрэатыпы.
Каб падрыхтаваць Жывую Бібліятэку, трэба шмат чаго зрабіць і шмат з кім дамовіцца, таму цяпер мы адчуваем вострую неабходнасць у наступных людзях у нашай камандзе:
- Бібліятэкар_ка (гэта чалавек, які прасякнуты ідэяй барацьбы са стэрэатыпамі і гатовы гэтым займацца шмат і доўга, чалавек, які ўключаны ў каманду, шукае з намі кнігі, праводзіць мерапрыемствы, ездзіць па Беларусі. Гэты чалавек не проста прыходзіць да нас раз на месяц — ён становіцца нашай неад’емнай часткай).
- PR-менеджар_ка(ы) (патрэбныя людзі, якія змогуць весці нашыя сацыяльныя сеткі — іх пакуль у нас дзве: УКантакце і Facebook).
- Валанцёр_ка па тэхнічных пытаннях (дапамога з арганізацыяй прасторы, кава-перапынкам і г.д.).
- Журналіст_ка (шукаем чалавека, які здольны цікава расказваць гісторыі людзей і час ад часу пісаць прэс-рэлізы).
- Фатограф/фатаграфіня (раз на месяц фатаграфаваць мерапрыемствы ў Мінску і па магчымасці ездзіць з намі ў рэгіёны).
- Дызайнер_ка для стварэння розных прома-матэрыялаў (налепкі, саколкі, паштоўкі і г.д.) і афіш.
Наогул мы шукаем усіх гэтых людзей паасобку альбо ўсе гэтыя якасці ў адным чалавеку. Будзем радыя вашым лістам на пошту human.library.belarus@gmail.com альбо паведамленням у сацыяльных сетках УК і FB.
Пішыце нам у вольнай форме да 7 кастрычніка наступную інфармацыю: вашае імя, чым вы займаецеся ў жыцці, чым хочаце займацца ў Жывой Бібліятэцы і ваш досвед у гэтай сферы, вашая матывацыя трапіць у нашую каманду, вашыя кантакты (тэлефон і пошта).
