У Светлагорску знішчылі рэдкі ўзор савецкай манументальнай спадчыны. Мазаіка размяшчалася на вуліцы 50 гадоў Кастрычніка, 54. Цяпер там замест прыгожай мазаікі, якая аздабляла сцяну прыватнай крамы, голая паверхня.
Даследчыкі адзначаюць, што пано нагадвала працы Івана Літоўчанкі, які афармляў горад Прыпяць.
«Праца не мела статусу культурнай ці гістарычнай каштоўнасці, знаходзілася на сцяне прыватнай крамы і мела патрэбу ў кансервацыі і рэстаўрацыі. Трывогу выклікае тое, што праца была знішчана год таму, і мясцовыя жыхары паставіліся да гэтага з абыякавасцю».