Ініцыятыва OEEC запускае анлайн-курс для тых, хто хоча і можа ўдзельнічаць у прыняцці важных рашэнняў, звязаных з жыццём сваёй краіны. Але што гэта значыць на практыцы? Якія інструменты і веды дапамогуць змяніць свет навокал? Пра гэта і распавядуць на праекце «Звычка цікавіцца».
На занятках можна будзе даведацца, што азначаюць такія тэрміны як грамадзянскі ўдзел, актыўнае грамадзянства, правы чалавека, арганізацыі грамадзянскай супольнасці, мясцовае самакіраванне, адвакацыя. На простых і зразумелых прыкладах лектары пакажуць, як можа і як павінна быць арганізавана дэмакратычнае грамадства.
Для каго курс?
Для актыўных беларусаў, якім ужо споўнілася 18 гадоў і якія неабыякавыя да тэмы грамадзянскага ўдзелу. Не мае значэння, знаходзіцеся вы ў Беларусі ці па-за межамі краіны.
Што будзе на курсе?
Праграма складаецца з кароткіх адукацыйных відэа, воркшопаў, тэкстаў і хатніх заданняў. Вядучымі і кансультантамі запрасілі беларускіх і ўкраінскіх экспертаў.
На варкшопах абмяркуюць актуальныя тэмы:
- адкуль пачаліся правы чалавека і дзе яны заканчваюцца — пра гэта распавядзе праваабаронца Дар’я Рублеўская;
- што павінна быць у супольнасці, каб яна была ўстойлівай, рэалізавала сваю місію і мэты — сваім досведам падзеліцца Іван Амелян, трэнер і эксперт па развіцці суполак і арганізацый;
- як планаваць дзейнасць так, каб па выніку не рабіць усё адной ці аднаму, паразважае трэнерка праграм нефармальнай адукацыі Валерыя Ваўкагонава;
- што такое адвакацыя і якія тыповыя памылкі дапускаюць пры планаванні адвакацыйных кампаній можна будзе запытацца ў Назарыя Баярскага, праваабаронцы з багатым досведам адвакатавання ў сферы правоў чалавека;
- як вырашыць праблемы ў камандзе — можна будзе зразумець праз ралевую гульню з актывісткай Наталляй Халанскай;
- чаму валанцёрства — гэта каштоўнасць, якая працуе на нас, распавядзе Вольга Хабібуліна, экспертка па развіцці мясцовых і моладзевых ініцыятыў;
- што такое CivicTech ці грамадзянскія тэхналёгіі — раскажа палітолаг і гендарны даследнік Уладзіслаў Іваноў.
Калі адбудзецца курс?
Як прыняць удзел?
Запоўніць анкету да 19 верасня. Не пазней за 20 верасня арганізатары дашлюць ліст-пацверджанне. Не забывайцеся правяраць тэчку «Спам», каб ліст не згубіўся.
Удзел у курсе бясплатны.
Курс арганізаваны некамерцыйнай арганізацыяй ОЕЕС (Грузія). Калі ўзніклі пытанні, пішыце на пошту [email protected] або ў Інстаграм.
Budzma.org