VI Фестываль нефармальнай адукацыі

07.07.2016 - 09.07.2016 17:00 - 17:00 Мінскі міжнародны адукацыйны цэнтр імя Ёханэса Рау (пр. Газеты Праўда, 11) Бясплатнае

7-9 ліпеня 2016 года ў Мінскім міжнародным адукацыйным цэнтры імя Ёханэса Рау збяруцца вядучыя беларускія і замежныя спецыялісты сферы нефармальнай адукацыі – практыкі, тэарэтыкі, метадысты, якія прадстаўляюць розныя арганізацыі (недзяржаўны, дзяржаўны, прыватны сектар), каб абмяняцца досведам, абмеркаваць магчымасці супрацоўніцтва з сацыяльнымі партнёрамі і ўзгадніць перспектывы развіцця сферы нефармальнай адукацыі.

Мерапрыемства праводзіцца ў шосты раз і накіравана на прасоўванне ролі і развіцця магчымасцяў нефармальнай адукацыі як складовай часткі адукацыі дарослых у XXI стагоддзі. У якасці змястоўнай рамкі Фестывалю будзе выкарыстаны «Маніфест па адукацыі дарослых у XXI стагоддзі», распрацаваны Еўрапейскай асацыяцыяй адукацыі дарослых (ЕАЕА).

У праграме Фестывалю пленарныя дыскусіі, паралельныя секцыі, майстар-класы, прэзентацыі, абмеркавання ў фармаце «Адкрытай прасторы». На Фестывалі будуць падведзены вынікі конкурсу «Падзея года ў нефармальнай адукацыі», а таксама конкурсу для журналістаў «Аб адукацыі нефармальна». У заключны дзень Фестывалю для ўдзельнікаў будуць арганізаваны азнаямленчыя візіты, а таксама адкрытая публічная дыскусія на тэму “Нефармальная адукацыя і навыкі, неабходныя для жыцця», у якой змогуць прыняць удзел усе жадаючыя.

VI Фестываль нефармальнай адукацыі праводзіцца ў межах праекта «Вучыцца, каб дзейнічаць» і з’яўляецца дэманстрацыйнай пляцоўкай і прасторай для прафесійнага ўзаемадзеяння, абмену досведам, ўзгаднення перспектыў развіцця правайдэраў нефармальнай адукацыі і іншых зацікаўленых бакоў.

Арганізатарамі Фестывалю ў 2016 годзе выступаюць Прадстаўніцтва зарэгістраванага аб’яднання “Deutscher Volkshochschul-Verband e.V.» (ФРГ) у РБ, Асацыяцыя дадатковай адукацыі і асветы, Мінскі міжнародны адукацыйны цэнтр імя Ёханэса Рау.

Сачыце за ўсімі навінамі Фестывалю на сайце www.adukatar.net.

Наўпроставая трансляцыя

Кантакты:

+375 29 671 41 19 (Андрэй Ляўко), adop2011info@gmail.com


Вам можа быць цікава

Выстава «Шчаслівы той, хто, як Уліс...» у Віцебску

03.06.2025 11:00 - 07.09.2025 18:00 арт-цэнтр Марка Шагала (вул. Савецкая, 25)

Рэтраспектыва фільмаў, уганараваных у Канах, у Мінску

28.06.2025 19:30 - 23.07.2025 21:00 Прастора «Манахром» (вул. Кастрычніцкая, 16/3 (2 паверх))

Беларускія танцы ў Варшаве

09.07.2025 (18:00 - 21:00) ля помніка Міцкевічу (Krakowskie Przedmieście 46)

Свята да 100-годдзя паэмы «Сымон-музыка» ў Смольні

12.07.2025 (10:00 - 18:00) музей Якуба Коласа (вул. Акадэмічная, 5)

Апошняе
на Budzma.org

чытаць яшчэ