У суботу, 13 студзеня, у Сопаце выступаюць з утульным канцэртам Саша Мацюхова і Вольга Гаховіч.
Дата: 13 студзеня
Час: 17.00 (час мясцовы)
Месца: офіс SBP, ul. Malczewskiego 21, Сопат
Падрыхтавалі праграму з песень савецкай эстрады 60-70х гадоў.
Спадарыні Саша і Вольга кажуць, часта слова «савецкі» асацыюецца ў нас самі ведаеце з чым — але толькі не гэтыя песні. Яны пра чалавека, яго любоў і пяшчоту, радасць і смутак.
Пра знаёмыя і зразумелыя кожнаму перажыванні. Абяцаюць песні з рэпертуару Ганны Герман і Маі Крысталінскай, Ніны Бродскай ды іншых спявачак, пра якіх вы больш дазнаецеся на канцэрце.
А яшчэ праграма не выпадкова называецца «А снег ідзе» — прапануюць клікаць яго (а з ім, можа, і штосьці яшчэ ўтульнае, цёплае і пяшчотнае).
Уваход — 50 злотых. Рэгістрацыі не патрэбна — проста прыходзьце.
