У нядзелю, 14 жніўня, музей гісторыі рэлігіі запрашае на экскурсію па выставе «Нябачанае захаванае», якую правядзе аўтар і куратар выставы.
Дата: 14 жніўня
Час: 11.00
Месца: музей гісторыі рэлігіі, вул. Замкавая, 16, Гродна ⠀
Выстава «Нябачанае захаванае» прысвечаная музейным фондам: тое, што наведвальнікі бачаць вельмі рэдка, тое, што захоўваецца ў запасніках, — а гэта каля 90 тысяч прадметаў! — усё, што раней не экспанавалася, цяпер можна паглядзець і нават памацаць. ⠀
Вы ўбачыце ВЕЛЬМІ розныя прадметы — ад мухалоўкі да адзення ксяндза. ⠀ А яшчэ даведаецеся, чым займаюцца навуковыя супрацоўнікі музея, якім чынам прадметы трапляюць у музей і што з імі робяць пасля. ⠀
Кошт квіткоў: ⠀ для дарослых — 5 рублёў; для студэнтаў — 3,50 рублі; для школьнікаў — 2 рублі.
Запісацца на экскурсію можна праз дырэкт інстаграм-акаўнта музея альбо па нумары 718707.
