AD.NAK! запрашае на відэапаказ беларускамоўнай рэкламы

28.05.2015 19:00 - 21:00 Студыя 67 (пр. Партызанскі, 2А, ІІ паверх)) Бясплатнае

28 мая ў 19.00 у культурнай прасторы Studio67 у межах шостага Фестывалю беларускамоўнай рэкламы і камунікацыі AD.NAK! адбудзецца паказ найлепшых беларускамоўных рэкламных відэаролікаў за ўсю гісторыю існавання Фестывалю.

Ва ўсіх гасцей будзе магчымасць паглядзець самыя цікавыя відэаролікі ў рэжыме нон-стоп. Відэапаказ беларускамоўнай рэкламы — гэта добрая магчымасць яшчэ раз успомніць сацыяльныя, камерцыйныя і вірусныя беларускамоўныя ролікі, якія атрымлівалі ўзнагароды Фестывалю ў розныя гады.

Ролікі-пераможцы і прызёры пяці Фестываляў у адным месцы і ў адзін час! Без перапынкаў на серыялы і вячэрнія выпускі навінаў!

Чакаем вас!

28 мая, 19.00.

Культурная прастора Studio67 (г. Мінск, пр. Партызанскі, 2А, ІІ паверх).

Уваход вольны!

Каб стаць удзельнікам відэапаказу, дастаткова націснуць пімпачку “Пайду” ў фэйсбуку.

Асноўная канцэпцыя Шостага фестывалю беларускамоўнай рэкламы і камунікацыі AD.NAK! — «Годны шлях рэкламіста». У цэнтры ўвагі сёлетняга Фестывалю — асоба самога стваральніка.

Шосты AD.NAK! запрашае рэкламістаў, спецыялістаў у сферы камунікацыі, культурніцкіх менеджараў і прадзюсараў аб’яднаць свае намаганні і дапамагчы беларускамоўнай рэкламе прайсці гэты шлях: ад нерашучай коскі да значнага і ўпэўненага клічніка!

Дэдлайн прыёму работ — 1 чэрвеня. А фінальная частка Фестывалю — урачыстая цырымонія ўзнагароджання пераможцаў з папярэдняй адукацыйнай праграмай — пройдзе 2 ліпеня ў Мінску.


Вам можа быць цікава

Майстар-клас па вырабе лялькі-падарожніцы ў Гомелі

10.05.2025 (12:00 - 14:00) філіял Веткаўскага музея (пл. Леніна, 4а)

Сустрэча з Маляванычам у Кракаве

10.05.2025 (14:00 - 16:00) Прастора (ul. Mikołajska 4/6)

Саша Філіпенка ў Варшаве

18.05.2025 (15:30 - 17:30) Stand up lokal (Stanisława Noakowskiego 16)

Саша Філіпенка ў Дзюсельдорфе

28.05.2025 (19:00 - 21:00) Stiftung Gerhart-Hauptmann-Haus (Bismarckstraße 90)

Апошняе
на Budzma.org

чытаць яшчэ