„Бардаўская восень” ужо больш за 20 год застаецца адзіным у сваім родзе беларускамоўным фестывалем аўтарскай песні. Арганізаваны на Беласточчыне ў Польшчы супольнасьцю „Шчыты” фестываль, штогод дэманструе актуальны стан беларускамоўнай аўтарскай песні і дае голас маладым выканаўцам, якія паказваюць сябе ў конкруснай праграме фэсту. „Бардаўская восень” часам схіляецца ў бок эксперыментаў і прымае навінкі, часам прытрымліваецца традыцыяналізму і дае сцэну тым, хто не ў „мэйнстрыме”. Адно застаецца нязменным – „Бардаўская восень” бясспрэчна самы ўтульны і душэўны фестываль беларускай музыкі. Кожны канкурсант, музыка, гурт, які пабываў на гэтым фэсце пацвердзіць гэтае сцверджанне.
Адной з галоўных рысыў фестывалю нязменна застаецца конкурсная праграма, якая распачынаецца задоўга да самога фэсту. Так і ў гэтым годзе, адбор на „Бардаўскую восень 2017” традыцыйна пройдзе ў Менску 10 верасня. Свае моцы можа паспрабаваць кожны сольны выканаўца і гурт, які грае па-беларуску і акустычна. Дадатковай умовай з’яўляецца паўнагадовасьць выступоўцаў, што звязана з патрэбай афармлення візы і выезда за мяжу, для ўдзелу ў фестывалі. „Бардаўская восень 2017” пройдзе напрыканцы кастрычніка ў Бельску Падляшскім у Польшчы.
„Фестываль „Бардаўская восень” стаў для мяне чымсь большым, чым проста фестываль, – кажа каардынатар конкурснай праграмы фэсту, Алесь Кот-Зайцаў, – Гэта традыцыя. Жыццё можа быць напоўненае іншай штодзённасьцю, але раз на год бясспрэчна варта вярнуцца да „Бардаўскай восені” і паслухаць маладых ды вядомых беларускія songwriter’аў. Вельмі цешыць, што фестываль, распачынаецца менавіта ў Менску, адборачным турам, дзе мы бачым усіх, хто меў ахвоту і імпэт узяць голас са сцэны”.
Каб узяць удзел у менскім адборачным канцэрце „Бардаўскай восені 2017” і пабароцца за права заспяваць з галоўнай фестывальнай сцэны ў польскім мястэчку Бельск Падляскі, дастаткова проста даслаць заяўку. Заяўка складаецца з анкеты канкурсанта, дэма запісу і фотаздмка. Арганізатары прымаюць заяўкі ад канкурсантаў на адрас мэйлу [email protected] да 8 верасня ўключна. Адборачны канцэрт пройдзе 10 верасня ў менскім клюбе „ілі” а 18:00. У журы фестывалю традыцыйна пабачым знакамітых беларускіх музыкаў ды музычных крытыкаў.
