Адкрыццё ІІІ Беларускай трыенале дэкаратыўна-прыкладнога мастацтва «FACTUM EST FACTUM».

4 лістапада 2016 года а 17-ай гадзіне ў  Рэспубліканскай мастацкай галерэі Беларускага саюза мастакоў (Палац мастацтва, вул. Казлова, 3) адбудзецца ўрачыстае адкрыццё ІІІ Беларускай трыенале дэкаратыўна-прыкладнога мастацтва «FACTUM EST FACTUM».

На трыенале прадстаўлены значны культурны пласт, створаны за апошнія тры гады ў межах маштабнага конкурснага арт-праекта Беларускага саюза мастакоў.

Адной з важных задач мерапрыемства, у якім удзельнічаюць больш за 150  прафесійных мастакоў, з’яўляецца магчымасць прадэманстраваць сучасны стан і перспектывы развіцця беларускага дэкаратыўна-прыкладнога мастацтва. Акрамя гэтага, трыенале вырашае задачы прэзентацыі для шырокай грамадскасці і прафесійнай аўдыторыі творчых работ маладых аўтараў з мэтай падтрымкі таленавітай моладзі.

У выставачнай экспазіцыі прадстаўлены творы, выкананыя як у традыцыйных, так і эксперыментальных тэхніках, з выкарыстаннем разнастайных аўтарскіх тэхналогій і новых матэрыялаў розных напрамкаў мастацкага тэкстылю, керамікі, шкла, металу.

Удзельнікі арт-праекта ў сваёй прафесійнай творчасці скіраваныя на пазітыўнае разуменне гармоніі і прыгажосці ды вечных каштоўнасцяў чалавека. Для стварэння мастацкіх вобразаў кожны з аўтараў карыстаўся сімвалічнай, умоўнай выяўленчым мовай, якая характэрная для беларускага дэкаратыўна-прыкладнога мастацтва.

У межах трыенале будут прэзентаваныя адмысловыя арт-праекты, прымеркаваныя да Міжнароднага года зернебабовых, які быў абвешчаны Генеральнай Асамблей ААН у 2016 годзе. Беларуския мастакі падтрымалі сусветную сацыяльную праграму ААН па барацьбе з недаяданьнем і папулярызацыі зернебабовых сродкамі выяўленчага мастацтва ў праектах: «Пакаці-гарошак», «Боб і Бабіна», «Зерне».

Выстава-конкурс «FACTUM EST FACTUM» падзелена на дзве катэгорыі: «Дэбют» і «Прафесіяналы». Журы, у склад якога ўваходзяць аўтарытэтныя мастацтвазнаўцы, вызначыць пераможцаў у намінацыях: «Дэбют», «Арт-аб’ект», «Новы погляд», «Традыцыя», «Інсталяцыя». Будуць і прызёры, якіх абяруць наведвальнікі выставы.

Выстава будзе працаваць з 4 па 20 лістапада 2016 года. Мы працуем: 11.00 – 19.00 штодзень, апрача панядзелка. Тэлефоны для даведак: (017) 288 15 49, (017) 290 60 10 – Палац мастацтва  (017) 296 67 84 – Беларускі саюз мастакоў.

З інфармацыяй пра мінулыя, дзейныя і запланаваныя выставы можна азнаёміцца на сайце Беларускага саюза мастакоў www.belartunion.by