16 кастрычніка 2013 г. а 17 гадзіне ў малой зале Музея сучаснага выяўленчага мастацтва (пр. Незалежнасці, 47) адбудзецца адкрыццё персанальнай выстаўкі беларускай мастачкі па тэкстылю Маргарыты Шчамялёвай «Колер 2013».
Сучасны беларускі габелен спалучае ў сябе нацыянальную традыцыю і досвед айчыннай і сусветнай культуры. Экспазіцыя выстаўкі Маргарыты Шчамялёвай «Колер 2013» наглядна дэманструе гэтую сувязь: традыцый народнага ткацтва і сучасных тэндэнцый.
Маргарыта Шчамялёва працуе ў аўтарскай тэхніцы ручнога ткацтва. Мастачка шмат эксперыментуе з формай, колерам, фактурай, выкарыстоўвае розныя матэрыялы. Асаблівасцю тэхнікі выканання ручнога беленавага ткацтва з’яўляецца шчыльнае ўкрыванне ніцямі утка ніцей асновы, што надае фарбам габелена каларыстычную насычанасць. Колер і каларыт з’яўляюцца асноўным сродкам выказвання аўтара, а таксама актыўным элементам уздзеяння на гледача.
Габелены Шчамялёвай ствараюць пластычнае асяроддзе, правакуюць асацыятыўнае мысленне, здольныя нараждаць безліч наратываў. Так, працы аўтара падпарадкоўваюцца ўжо не толькі правілам жывапісу і дэкаратыўна-прыкладнога мастацтва, але таксама становяцца часткай трактоўкі экспазіцыйнай прасторы.
Маргарыта Шчамялёва
У 1971 годзе скончыла Мінскае мастацкае вучылішча імя А.К.Глебава.
У 1978 годзе скончыла Беларускі дзяржаўна тэатральна-мастацкі інтстытут.
З 1981 года – выкладчык выяўленчага мастацтва. З 1995 года працуе ў Беларускай дзяржаўнай акадэміі мастацтваў.
З’яўляецца сталым членам журы па адборы твораў выяўленчага мастацтва ўдзельнікаў народных студый горада Мінска.
З 2003 года з’яўляецца членам журы адкрытага міжнароднага фестывалю юных мадэльераў «Блакітная пралеска».
Штогод з 2005 года праводзіць семінар шпалер на базе Мінскага палаца дзяцей і моладзі для кіраўнікоў народных студый г. Мінска.
Член журы на пацверджанне званняў народных калектываў фестываляў «Сузор’е» 2009-2010 гг.
Выстаўкі
2000 – выстаўка выкладчыкаў Беларускай дзяржаўнай акадэміі мастацтваў. Музей сучаснага выяўленчага мастацтва, Мінск;
2002 – выстаўка «З думай аб Радзiме». Рэспубліканская мастацкая галерэя ГА «Беларускі саюз мастакоў», Мінск;
2003 – выстаўка «Жанчыны-мастачкі». Мінск;
2003 – габелен «Маці і сын» ў галерэі «Мастацтва», Мінск;
2004 – выстаўка «Майстар i яго вучнi». Магілёўскі абласны мастацкі музей імя Масленнікава, Магілёў;
2005 – выстаўка «Колеры часу – колеры лёсу». Беларускі дзяржаўны музей гісторыі Вялікай айчыннай вайны, Мінск;
2006 – персанальная выстаўка ў галерэі фальварка «Добрыя мыслі». Мінск;
2006 – персанальная выстаўка ў галерэі «Славутыя майстры», Мінск;
2007 – «Жаночая выстаўка». Нацыянальны мастацкі музей Рэспублікі Беларусь, Беларускі дзяржаўны музей гісторыі Вялікай айчыннай вайны, Мінск;
2009 – выстаўка студэнтаў і выкладчыкаў кафедры касцюма і тэкстылю. Галерэя Мінскага палаца дзяцей і моладзі;
2009 – выстаўка «Кветкавы рай 3». Нацыянальная бібліятэка Рэспублікі Беларусь, Мінск.
Выстаўка працягнецца па 2 лістапада 2013 года.
