Галерэя сучаснага мастацтва «Ў» прадстаўляе персанальную выставу мастака
Юры Шуста “Абсорбцыя”. Працы з гэтага праекта былі створаны ў 2016-17 г.г. і раней у
Мінску не выстаўляліся.
Юра Шуст падымае пытанні сувязі рытуалаў і міфаў з тэхнікай, навукай і
бія-палітыкай. Выстава аб’яднае аб’екты, графіку і відэа ў адзіную інсталяцыю.
Створаныя з тэхнагенных і звыклых матэрыялаў, праекты Шуста звяртаюць увагу на
супярэчнасці сучаснасці: прага да рацыянальнага пазнання і поцяг да фетышызма,
далучанасць да сучасных камунікатыўных сетак і архаічны светагляд. Па словах
мастака, выстава ёсць «археалагічнай дэшыфроўкай лічбавага чалавека». Тым самым
яна звяртаецца да пытанняў будучыні: нарастаючай хуткасці камунікацыі і
інфармацыйнай інтаксікацыі, тэхналагічнага і міфалагічнага ўтапізму, які аздабляе веру
ў неўміручасць.
Адкрыццё: 19:00 / 17.03
Дні працы выставы: 17.03 – 05.04.2017
Месца: Галерэя Ў (пр. Незалежнасці 37а, Мінск)
Інфармацыя
Лекцыя куратара выставы Аляксея Барысёнка: 18:00 / 17.03
