Адкрыццё выставы “Браты Ткачовы. Пачатак шляху”

07.03.2019 17:00 - 17:00 Нацыянальны мастацкі музей (вул. Леніна, 20) Бясплатнае

7 сакавіка а 17-й гадзіне ў Нацыянальным мастацкім музеі Рэспублікі Беларусь адбудзецца ўрачыстае адкрыццё выставы “Браты Ткачовы. Пачатак шляху” з калекцый Бранскага абласнога мастацкага музейна-выставачнага цэнтра і Нацыянальнага мастацкага музея Рэспублікі Беларусь.

Нацыянальны мастацкі музей Рэспублікі Беларусь сумесна з Бранскім абласным мастацкім музейна-выставачным цэнтрам арганізоўваюць выставу жывапісу братоў Ткачовых, выбітных рускіх мастакоў ХХ стагоддзя – акадэмікаў Сяргея Пятровіча (1922 г.н.) і Аляксея Пятровіча (1925 г.н.). Цэнтральнай тэмай творчасці мастакоў з’яўляецца руская вёска і яе жыхары. Шырока прадстаўлена таксама ваенна-патрыятычная тэма, да якой мастакі звяртаюцца на працягу жыцця. Выставачны праект праводзіцца ў рамках святкавання 80-гадовага юбілею Нацыянальнага мастацкага музея.

Выстава будзе працаваць з 8 сакавіка па 28 красавіка 2019 года ў Нацыянальным мастацкім музеі (вул. Леніна, 20).

Музей братоў Ткачовых у Бранску быў адкрыты ў 1995 годзе, у яго аснову лёг дар мастакоў гораду як даніна родным мясцінам (мастакі родам з вёскі Чучунаўка Бранскай вобласці). Калекцыя музея налічвае больш за 800 твораў аўтараў, сярод іх ёсць работы, якія сталі класікай рускага выяўленчага мастацтва другой паловы ХХ стагоддзя. Некаторыя з іх будуць прадстаўлены на выставе ў Мінску. У экспазіцыю будзе таксама ўключаны адзін твор братоў Ткачовых, які належыць збору Нацыянальнага мастацкага музея Рэспублікі Беларусь – карціна «Першынец» 1954 года. Упершыню беларускі глядач зможа ўбачыць такі вялікі корпус твораў аўтараў – 38 жывапісных палотнаў.


Вам можа быць цікава

Фэст аўтарскага тэкстылю «ТэкСтыльны букет» у Мінску

17.06.2025 18:00 - 17.08.2025 20:00 Нацыянальны цэнтр сучасных мастацтваў (вул. Някрасава, 3)

Выстава Уладзіслава Бохана «Навіны зніадкуль» у Нахадзе

26.06.2025 18:00 - 14.09.2025 17:00 GVUN Malá — Španielova pasáž (Plhovská 862)

Купальскія прыгоды ў Дукоры

05.07.2025 13:00 - 06.07.2025 19:00 Дукорскі маёнтак (вул. Школьная, 12)

Купальская імпрэза «Ой, рана на Івана...» у Гомелі

06.07.2025 (15:00 - 20:00) філіял Веткаўскага музея (плошча Леніна, 4а)

Апошняе
на Budzma.org

чытаць яшчэ