Адкрыццё выставы “Гарадзенскі транзіт”

14 верасня 2016 года а 17-ай гадзіне ў  Рэспубліканскай мастацкай галерэі Беларускага саюза мастакоў (Палац мастацтва, вул. Казлова, 3) адбудзецца адкрыццё выставы “Гарадзенскі транзіт”.

Выстава аб’яднала самую актыўную групу гарадзенскіх мастакоў розных узростаў і кірункаў у выяўленчым мастацтве. Тое, што на сённяшні момант майстэрства аўтараў з Гародні знаходзіцца на самым высокім еўрапейскім узроўні, даказваць не прыходзіцца. Экспанаванне гарадзенскіх мастакоў на самых прэстыжных еўрапейскіх выставачных пляцоўках, актыўная праца на рэспубліканскіх і міжнародных пленэрах па графіцы, жывапісе і скульптуры і, як заканамерны вынік, узнагароды самага высокага ўзроўню з’яўляюцца пераканаўчым доказам. Іспанія, Швецыя, Польшча, Літва, Балгарыя, Германія, Францыя, Італія па вартасці ацанілі іх творчасць. Мастакі не спыняюцца на дасягнутым. У кожнага з іх свае планы. Іншыя выставачныя пляцоўкі ўжо чакаюць творы гарадзенцаў.

Выстава будзе працаваць з 14 па 23 верасня 2016 года. Мы працуем: 11.00 – 19.00 штодзень, апрача панядзелка. Тэлефоны для даведак: (017) 288 15 49, (017) 290 60 10 – Палац мастацтва  (017) 296 67 84 – Беларускі саюз мастакоў.

З інфармацыяй пра мінулыя, дзейныя і запланаваныя выставы можна азнаёміцца на сайце Беларускага саюза мастакоў www.belartunion.by