Марэк Далецкі – фатаграф, настаўнік фатаграфіі, аніматар культуры.
Нарадзіўся ў Млаве, у першай палове ХХ стагоддзя, але найбольш істотную частку жыцця правёў у Беластоку.
Пачаў займацца фатаграфіяй у 1972 годзе. Браў удзел у многіх агульнапольскіх выставах і міжнародных фотасалонах. Яго працы былі ўзнагароджаны і адзначаны ў Аўстраліі, Новай Зеландыі, Шатландыі, Аргентыне, Польшчы. У 2006 годзе за свае дасягненні ён быў адзначаны Міністрам культуры бронзавым медалём за заслугі у культуры Gloria Artis. А таксама медалём Св. Брата Альберта ў 1995 годзе. У 2004 годзе атрымаў срэбны медаль за Заслугі для польскай фатаграфіі. У 2013 годзе стыпендыят Маршалка Падляшскага Ваяводства ў галіне мастацкай творчасці.
Фатаграфіі мастака можна знайсці ў аўтарскіх і групавых альбомах, кнігах, музычных выдаўніцтвах, буклетах і паштоўках. На працягу многіх гадоў яго фотаздымкі можна была знайсці ў прэсе. З 1988 года быў фотарэпарцерам, працаваў у рэгіянальных і агульнапольскіх часопісах.
У сваёй творчасці часта дакументуе падзеі з жыцця праваслаўнай царквы, а таксама адыходзячы выгляд падляшскай вёскі. Але больш ахвотна фатаграфуе людзей.
З’яўляецца сябрам Саюза польскіх фотамастакоў і Польскага фотаклуба. Міжнародная федэрацыя фатаграфічнага мастацтва ў Парыжы уганаравалаала Марка Далецкага тытулам – мастак FIAP (AFIAP)
