Кніжна-выставачная прастора “Кніжная Шафа” з 27 студзеня па 27 лютага прадстаўляе выставу маладога мастака з г. Баранавічы Яўгена Ціхановіча.
Творчасць Яўгена Ціхановіча самастойнае і выразнае – аўтар пасьпяхова і арыгінальна сумяшчае магчымасці фотатэхнікі і малюнака ўручную, працы Яўгена неаднаразова былі прызнаныя лепшымі на сайце часопіса Vogue (Italia).
“Мае фотаздымкі – гэта маё чыста суб’ектыўнае бачанне. Таму, напэўна, я і называю іх фотамалюнкамі. Асноўнае, што аб’ядноўвае ўсе мае працы – гэта іх мастацкі бок. Мне б вельмі хацелася навучыцца ствараць своеасаблівую казачную атмасферу, у якую мог бы акунуцца глядач, сузіраючы мае фота-малюнкі” – адзначае Яўген Ціхановіч.
Работы спалучаюць у сабе фотаздымкі Яўгена Ціхановіча і яго ілюстрацыі, зробленыя ўручную. Сцэны з рэальнага жыцця напаўняюцца казачнасцю і пэўнай сімвалічнасцю, якую кожны можа зразумець ці адчуць па-свойму. Малады фатограф шчодра раскідвае па паперы фарбы, плямы атраманту, дазваляе сабе свабодна гуляцца з колерам на фотаздымку, дапаўняе вобразы сваіх персанажаў, з дапамогаю малюнка ўвасабляе незвычайныя сюжэты.
Запрашаем вас на адкрыццё выставы, якое адбудзецца 27 студзеня ў 19.00, уваход вольны.
Чакаем вас па адрасе праспект Дзяржынскага 9, “Кніжная Шафа” (уваход са двара).
Тэлефон: +375 17 234 48 64, [email protected].
Кантактная асоба: Анастасія Дудкова, +375 29 637 09 53.
Выстава працуе: пн.-пт: 10.00 – 20.00, суб.: 11.00 – 18.00, нядз.: выходны.
