Адкрытая лекцыя “Балотная археалогія”
Пачатак: 15.02 (17:00)Канец: 15.02 (19:00)
Цэнтральная навуковая бібліятэка ім. Я.Коласа
15-га лютага а 17-ай гадзіне ў Цэнтральнай навуковай бібліятэцы ім. Я.Коласа
Нацыянальнай Акадэміі навук адбудзецца сустрэча з археолагамі па тэме “Балотная археалогія” і яе перспектывы для Беларусі”.
Мэта сустрэчы пазнаёміць жыхароў сталіцы з некаторымі цікавымі вынікамі археалагічнага вывучэння старажытных паселішчаў, якія знойдзены ў беларускіх балотах і ўзніклі больш за тры – пяць тысяч гадоў таму назад. Нашы балоты – гэта не толькі ўнікальны прыродны комплекс, але і неацэнны архіў дадзеных пра нашае гістарычнае мінулае.
У сустрэчы прымуць ўдзел беларускія археолагі:
Мікола Крывальцэвіч, кандыдат гістарычных нвук, старшы навуковы супрацоўнік Інстытута гісторыі Нацыянальнай акадэміі навук Беларусі, аўтар каля 230 навуковых і навукова-папулярных публікацый, у тым ліку манаграфічных прац па старажытнай гісторыі Беларускага Палесся;
Максім Чарняўскі, кандыдат гістарычных навук, старшы навуковы супрацоўнік Інстытута гісторыі НАН Беларусі, аўтар шматлікіх навуковых публікацый, кнігі “Касцяныя і рагавыя вырабы на паселішчах Крывінскага тарфяніку”, археолаг, які вядзе шматгадовыя даследаванні на старажытных паселішчах Крывінскага тарфяніка каля Бешанковічаў;
Людміла Дучыц, кандыдат гістарычных навук, аўтар навуковых і навукова папулярных прац па археалогіі, у тым ліку кніг па сакральнай геаграфіі, міфалогіі, вераванням старажытных людзей на тэрыторыі Беларусі;
публіцыст Ірына Клімковіч – адзін з арганізатараў экспедыцый па сакральных мясцінах і помніках Беларусі, аўтар энцыклапедычных слоўнікаў і кніг па
міфалогіі беларусаў і сакральнай геаграфіі Беларусі.
Сустрэча арганізавана таварыствам “Зялёная сетка”, грамадскім аб’яднаннем
“Экадом” і інфармацыйным цэнтрам “Эка-інфа” НАН Беларусі.
“Балотная археалогія” і яе перспектывы для Беларусі.
Многія беларускія балоты з’яўляюцца сховішчам рэшткаў паселішчаў, якія ўзнікалі тысячы
гадоў таму назад на астравах, на ўзбярэжжах колішніх вадаёмаў. Апынуўшыся пад
торфам, культурныя адклады закансерваваліся і зрабіліся адмысловым архівам
старажытнай мінуўшчыны. Адкрыццё і даследаванне такіх помнікаў – унікальны шанец
для археолагаў адкрыць многія невядомыя раней старонкі нашай дагісторыі. “Балотная
археалогія” – адзін з найбольш перспектыўных накірункаў айчыннай археалагічнай навукі.
Што знаходзяць на тарфяніковых паселішчах археолагі?
Якія перспектывы ў беларускай “балотнай археалогіі”?
Балоты – неад’емная частка культурнага ландшафта беларусаў. На працягу сваёй
гісторыі беларусы стварылі ўнікальную балотную міфалогію.
Сустрэча адбудзецца па адрасу: вуліца Сурганава 15, ст. м. Акадэмія навук
Нацыянальная навуковая бібліятэка ім. Я.Коласа НАН Беларусі
З пытаннямі звяртайцеся па тэлефоне:
+375 29 7733690 (Канстанцін)
+375 29 6951548 (Воля)
