Беларускі дом у Варшаве запрашае на адкрыццё выставы гісторыка Ігара Мельнікава «На мяжы цывілізацый», прысвечанай беларуска-польскаму памежжу.
Дата: 27 студзеня
Час: 18.00
Месца: ul. Kryniczna 6, Варшава
Падзеі на мяжы ў нашыя дні не сыходзяць з першых палос выданняў. Але што адбывалася на беларускай мяжы раней, у часы Вялікай Айчыннай вайны і перад ёю? Хто яе ахоўваў? Як у 1927 — 1931 змагаліся з кантрабандыстамі?
Пра гэта і многае іншае вы даведаецеся на выставе кандыдата гістарычных навук Ігара Мельнікава.
Каб зарэгістравацца на мерапрыемства, калі ласка, запоўніце анкету.
Ігар Вячаслававіч Мельнікаў — беларускі гісторык, публіцыст, журналіст, блогер і рэдактар. Лаўрэат Прэміі імя Вацлава Ластоўскага за папулярызацыю ведаў па гісторыі Беларусі. Ва уласнай калекцыі мае больш за 300 гістарычных артэфактаў па тэме гісторыі савецка-польскай мяжы 1921–1939 гадоў.
