У нядзелю, 27 кастрычніка, беларусы Варшавы прысвячаюць традыцыйную нядзельную акцыю ўшанаванню памяці забітых у Чорную ноч з 29 на 30 кастрычніка 1937 года.
Дата: 27 кастрычніка
Час: 14.00 (час мясцовы)
Месца: помнік Каперніку, Варшава
Ноч расстраляных паэтаў — чорная дата на старонках нашай гісторыі.
Дзень жалобы і дзень абурэння.
Дзень смутку і дзень нязгоды.
Дзень нянавісці і дзень любові. Нянавісці да бессаромных забойцаў і бязмернага жалю да бязвінных ахвяраў.
Каб не забываць пра подласць, каб не забываць пра здраду, каб шанаваць адданасць і вернасць, мужнасць і годнасць мы мусім штогод адзначаць гэты дзень.
Удзел вольны.
