У суботу, 14 кастрычніка, гусляр Алесь Чумакоў грае ў музеі Якуба Коласа канцэрт «Мама, белая галубка...» да Дня маці.
Дата: 14 кастрычніка
Час: 15.00
Месца: музей Якуба Коласа, вул. Акадэмічная, 5, Мінск
Будзе вам рок-класіка па-беларуску ды пад сапраўдныя гуслі!
Спадар Алесь ужо шмат гадоў займаецца вывучэннем, вырабам і папулярызацыяй гусляў. І грае на іх усё, што заўгодна, — ад народных песень да рок-хітоў!
На канцэрце прагучаць песні Булата Акуджавы ў перакладзе на беларускую мову, а таксама песня-віншаванне матулям ў гонар свята.
Падчас сустрэчы музыка распавядзе пра гісторыю гусляў ды адкажа на вашыя пытаннечкі.
Будзе драйвова і ўтульна, як мы любім!
Квіткі — 15 рублёў. Замовіць іх можна па нумары 8 (017) 270 17 02.
