“Амерыканка”. Пачатак. Вечарына сучаснага беларускага перакладу ў Магілёве
Пачатак: 14.12 (18:30)Канец: 14.12 (18:30)
"Кола сяброў"
“Амерыканка” – новая кніжная серыя, у якой перакладчыкі плануюць публікаваць знакавыя кнігі пісьменнікаў Паўночнай Амерыкі ў перакладзе на беларускую мову. Дзякуючы краўдфандынгу на платформе ulej.by і мецэнату Ігару Жабароўскаму ў лістападзе на волю выпушчаная першая кніга серыі – “Палёт над гняздом зязюлі” Кена Кізі. Шчыра запрашаем чытачоў у Магілёве на прэзентацыю гэтага раману, а таксама ўсёй новай серыі “Амерыканка” ў межах шырэйшай гутаркі пра сучасны беларускі пераклад. Падчас вечарыны можна будзе пазнаёміцца з перакладамі серыі “Паэты планеты” і “ПрайдзіСвет”, а таксама пагартаць і набыць найноўшыя перакладныя кнігі, якія выйшлі ў гэтых серыях.
Вечарына адбудзецца 14 снежня ў 18:30 “Кола” (зав. Чкалава, 16)
Аўтары: Кен Кізі, Артур Конан Дойл, Генрых Гайнэ, Баляслаў Лесьмян
Перакладчыкі: Аляксей Знаткевіч, Ігар Крэбс, Марыя Мартысевіч, Ганна Янкута.
Імпрэза падтрыманая грамадскай кампаніяй “Будзьма!”
Уваход вольны
