Агульнанацыянальная анлайн-дыктоўка у Дзень роднай мовы
Пачатак: 21.02 (19:00)Канец: 21.02 (21:00)
Музей Вольнай Беларусі, НАУ і Прадстаўніцтва па нацыянальным адраджэнні запрашаюць беларусаў з усіх куткоў свету ўзяць удзел у АГУЛЬНАНАЦЫЯНАЛЬНАЙ АНЛАЙН-ДЫКТОЎЦЫ!
Дата: 21 лютага
Час: 19:00 — Мінск; 18:00 — Вільня; 17:00 — Варшава.
Месца: BELSAT LIFE
21 лютага, у Дзень роднай мовы, мы як ніколі можам паказаць нашу любоў да беларускай мовы.
Сёлета дыктоўка прымеркаваная да 100-годдзя з дня нараджэння народнага пісьменніка Беларусі Васіля Быкава, які лічыў, што лёс беларускай мовы неразрыўна звязаны з незалежнасцю нашай краіны: «Будзе незалежнай Беларусь ‒ будзе ўсё. У тым ліку мова і культура».
І сёння, калі перад беларусамі асабліва востра стаяць пытанні абароны незалежнасці, а значыць, і захавання мовы, мы ні ў якім разе не павінны забываць пра гэтыя мудрыя словы нашага славутага пісьменніка.
Далучайцеся да трансляцыі, дзе б вы ні былі!
Няхай жыве наша прыгожая мова і незалежная Беларусь!
Дбайце пра сваю бяспеку і карыстайцеся VPN.
