Анлайн-курс ранішняй гімнастыкі «Пачні свой лепшы дзень»
Пачатак: 04.04 (08:15)Канец: 04.04 (19:00)
анлайн
Віртуальны Універсітэт Залатога Веку запрашае ахвотных далучыцца да ранішняй анлайн-гімнастыкі «Пачні свой лепшы дзень», якую праводзіць выкладчыца курсу «Самадэва-ёга» Надзея Шафрановіч.
Дата: з 4 красавіка штодзённа
Час: 8.15 (час мінскі)
Месца: Zoom
Гімнастыка доўжыцца 25-30 хвілін і гэтага дастаткова, каб прачнуцца, узгадаць аб сваіх планах, прывесці свае мышцы ў тонус і напоўніцца энергіяй на ўвесь дзень.
Занятак пачынаецца з пастаноўкі намераў, затым некалькі практыкаванняў для самакарэкцыі суставаў, невялікі комплекс практыкаванняў, які запускае працу розных сістэм нашага цела, уключаючы энергетычную.
Акрамя гэтага, гімнастыка мае назапашвальны эфект. Ужо праз два тыдні вы адчуеце вынік — ваша самаадчуванне палепшыцца, сіл будзе больш, цела стане больш рухомым і моцным.
4 красавіка а 18 гадзіне адбудзецца анлайн-сустрэча — знаемства.
Каб далучыцца да заняткаў, запоўніце калі ласка, кароткую анкету па спасылцы.
