Анлайн
Канец: 16.10 (20:00)
анлайн
Анлайн-лекцыя «Краіна замкаў: міф, які яднае беларусаў»
Пачатак: 16.10 (18:00)Канец: 16.10 (20:00)
анлайн
У сераду, 16 кастрычніка, Беларускі інстытут у Празе запрашае на анлайн-лекцыю «Краіна замкаў: міф, які яднае беларусаў».
Дата: 16 кастрычніка ў 18.00 (час СЕТ, гэта 19.00 па Мінску і Вільні)
Месца: зум
Беларускае грамадства і дзяржава перажываюць цяжкі час, што адлюстроўваецца на вострай палярызацыі ва ўспрыманні гісторыі народу і краіны. Падаецца, цяпер цяжка знайсці агульныя, аднолькава каштоўныя для усіх падзеі і з’явы ў мінулым.
Але ад самага аднаўлення незалежнасці Беларусі і да цяперашняга часу мы бачым паступовае і мэтанакіраванае аднаўленне зруйнаваных замкаў, якія сапраўды аб’ядноўваюць беларусаў, а найбольш ярка гэты феномен увасобіўся ў міфе пра «краіну замкаў».
Замкі і архітэктура ў цэлым сталі для беларускага грамадства і дзяржавы пасля распаду СССР адным з найбольш зручных сімвалаў для самаідэнтыфікацыі, што выявілася, напрыклад, пры афармленні грашовых знакаў.
Важнай асаблівасцю архітэктурных помнікаў, у тым ліку замкаў, з’яўляецца множнасць варыянтаў іх інтэрпрэтацый, што робіць іх дастаткова ўніверсальным інструментам для палітыкаў і грамадства.
Гэта значыць, у залежнасці ад сітуацыі і неабходнасці іх можна прадстаўляць сімваламі розных ідэй і канцэпцый: самаахвярнай барацьбы з захопнікамі, нацыянальнай самабытнасці, глыбокай гісторыі, прыналежнасці да еўрапейскай культуры і г.д.
У лекцыі разгледзяць узнікненне міфа аб Беларусі, як «краіне замкаў» і працы па аднаўленні замкаў у гады незалежнасці.
Удзел вольны. Рэгіструйцеся па спасылцы.
