У нядзелю, 28 верасня, у межах праекта Асацыяцыі беларусаў Амерыкі «Літаратура і кава» адбудзецца анлайн-сустрэча з даследчыкам спорту Арцёмам Сізінцавым.
Арцём Сізінцаў — журналіст, аўтар кнігі пра гісторыю аршанскага футболу «На «Старт» і ў «Тэмпе».
Спадар Арцём напісаў гісторыю аршанскага «ножнага шпурляку» ад самых першых камандаў — «Сокалу» і «Спорту» — да нашых дзён. Кніга стваралася 14 гадоў. У ёй сабраныя звесткі, статыстыка і гісторыі не толькі пра «Старт» з Воршы і «Тэмп» з Барані, якія доўга і паспяхова выступалі ў чэмпіянатах Беларусі і іншых турнірах, але і пра іншыя каманды, што баранілі гонар Аршаншчыны на футбольных палях.
Удзел вольны. Далучайцеся ў адмысловы час па спасылцы.